PRAKTIKA GARAIAN EGINDAKO TAILERRA

Praktika garaian egindako tailerrari buruz hitz egingo dut. Lehenik eta behin, praktiketara joan aurretik, ideia hau geneukan: ingurumenaren kutsadurari eta birziklapenari buruzko bideo bat jartzea bakoitzari egokitu zitzaion klasean. Baina, eskoletara joan ginenean, konturatu ginen gai asko asko landuta zegoela eta ikasleek gogo handiagoarekin parte hartzeko, beste idea bat bururatu zitzaigun. 

Hori dela eta, tailerra guztiz aldatu genuen. Azkenean, irratiari buruz egin genuen. Nire taldeko bi pertsonen eskoletan, Talaia eskolan eta Cristóbal Gamón eskolan, irratia lantzen dute. Orduan, ikasleekin irratsaio bat egin eta irratiaren inguruan lan egin zuten. Aldiz, San Ignacio ikastetxean, hau da, nik praktikak egin ditudan eskolan, ez dute irratia lantzen, eta beraz, irratia lantzearen garrantziaz eztabaidatu genuen klasean. Ikasleen iritziak jaso nituen gai honi buruz eta ondoren, sortutako blogean argitaratu genituen. 

Aipatu dudan bezala, praktikan garatutako tailerra blog berri batean argitaratu dugu, bertan irratsaio osoa jarriz, iritziak... Bloga hemen ikusi dezakezue:

http://praktikak4.blogspot.com.es/

Tailerra gauzatzeko orduan, irakasleak hamar puntuko dekalogo bat aurkeztu zigun. Puntu horiek, gure tailerrak bete behar zituen. Blog berrian, hasierako ideia, irratsaioa eta eztabaidaz gain, dekalogoaren hamar puntuak nola bete diren ala ez azaldu dugu. 

TALDEKO ARGAZKI ELKARRIZKETA

Gure taldean eztabaidatu eta gero hauek dira hamar momentu teknologia erabiltzen ez ditugunak: 

1. Koadrilakin egotean: zerbait hartzen dugunean edo lagunekin hitz egitean.

2.Kirola egitean teknologiak alde batera uzten ditugu.

3. Familiarekin egotean.

4. Irakurketa: irakurtzen dugunean teknologiak alde batera uzten ditugu kontzentrazioa ez galtzeko.

5.Ikasketak: azterketa daukagunean kontzentrazioa ez galtzeko ez ditugu teknologiarik erabiltzen.

6. Bazkari berezietan

7. Hondartza

8. Bizikletarekin ibiltzean.

9. Momentu berezietan.

10. Festak.

ARGAZKI ELKARRIZKETA

 ARGAZKI- ELKARRIZKETA:

Teknologia erabiltzen ez dudan hamar momentu aipatuko ditut, argazkiak erabiliz.

1. Lagunekin egotean: Zerbait hartzera joaten garenean lagunekin ez ditugu teknologiak erabiltzen, nahiago dugulako gure gauzetaz hitz egitea mobilarekin ibiltzea baino. 

2. Kirola: Kirola egiten dugunean, aisialdi momentu bat denez, deskonektatzeko erabiltzen dugu eta hori dela eta, bai mobila, bai MP3-a... alde batera uzten ditugu.

3. Familia: Familiarekin bazkaria dugunean, elkarrizketa momentuetan teknologiak alde batera uzten ditugu eta familiarekin momentuak disfrutatzen ditugu. 

4. Irakurketa: Denbora librean irakurtzea gustatzen zaigu. Beraz, liburua ondo irakurtzeko ez ditugu teknologiak erabiltzen.

5. Ikasketak: Azterketa bat dugunean, eta ikasi behar dugunean, kontzentrazioa ez galtzeko mobila, telebista eta abar alde batera uzten ditugu.

6. Festak: lagunekin taberna batean gaudenean.

7. Momentu berezietan: Familiarekin bazkariak egiten ditugunean, familiarekin zerbait ospatzean, lagunekin egotean...

8.Hondartza: Bertara joaten garenean ez ditugu teknologiak erabiltzen.

9. Bizikletarekin ibiltzean: Teknologiak baztertu egiten ditugu momentu hauetan.

10. Instrumentuak jotzean: gitarra jotzea asko gustatzen zait. Hau jotzen dudanean, teknologia guztiak baztertzen ditut. 

Teknologia eta generoa ondorioak

TEKNOLOGIA ETA GENEROA. TALDEKO ONDORIOAK.

Taldeka eztabaidatu genituen bakoitzak zituen iritziak eta konturatu ginen gauza askotan ados geundela. Lehenik eta behin, teknologia eta generoa estu lotuta daudela esan behar dugu. Desberdintasun handiak daude teknologiaren barruan generoari dagokionez. Game boy atera zen eta izenak dioen bezala, mutilentzako jokoa esan nahi du. Horrela, ikusten dugu, neskak alde batera uzten dituela. Jarraian, nintendi makina atera zen eta kolore ezberdinak zeuden neskeentzako eta mutilentzako.

Gainera, betidanik normalagoa ikusi da mutilak makinekin jolasten ikustea, neskak baino. Azken finean ohikoagoa da neskak beraien artean jolasten ikustea, sokasaltora adibidez. Mutilak aldiz, Play Station, nintendo, PSP-arekin jolastea normalagoa ikusten da.

Bukatzeko, esan behar dugu alde batera utzi behar ditugula desberdintasun hauek, berdintasuna erabat bultzatuz. Denak berdinak gara, eta hori dela eta, ez dira ezberdintasun hauek egon behar.

Ondorio hauek, movenote erabiliz jaso ditugu, bideo bat eginez.

Hemen ikusi dezakezue: Ondorioak movenote

Jarraian, cmap-tools erabiliz, ateratako ondorioak mapa kontzeptual batean jaso ditugu.

KLASE TEORIKOA, URRIAK 6

URRIAREN 6A, KLASE TEORIKOA

Urriaren 6an IKT-ko klase teorikoa izan genuen. Lehenik eta behin, "zelatatu" eta "zelatatzaileei" buruz hitz egin genuen. Hau hobeto bideratzeko, Aingeruk, M. Foucaultek panoptiko eta internetarekin egindako analogia bat azaldu zigun. Presoak badakite zelatatuak izan daitezkeela edozein uneetan, baina ez dute inoiz jakingo zehazki noiz diren zelatatuak kartzela edo panoptiko horietan.

Jarraian, bideo bat ikusi genuen, ¿Por qué me vigilas si no soy nadie?. Bideo honetan, Marta Peiranok izeneko emakume bat, egunero zenbat informazio sortu dezakegun eta zein inkonszienteki erabiltzen dugun ulertarazi zigun. Hau da, egunero erabiltzen ditugun mugikorrak, txartelak... guri buruzko informazioa ematen die zelatatzaileei. Hau sahiestu dezakegu hainbat neurri jarriz, hala nola, pribatuan mantendu zenbait aplikazioa, whatsapp-eko ordua ezkutatzen...

Jarraian taldeka jarri eta hainbat galderari erantzun genien eta taula bat osatu genuen. Hauek ziren galderak: Zeintzuk dira zelatatzaileak? Zergatik sentitzen gara zalatatuak? Nola egin dezakegu horrekiko erresistentzia?

NORK?	NOLA?	ERRESISTENTZIA
Egela	Nabigazioaren kontrola	Pertsona batek besteei pasatzea irakurgaia; Beti irekia edukitzea…
Gps mugikorra	Posizionamenduaren kontrola	Kentzea
Google	Datu personal guztiak	Asmatzea
Banketxeak/kreditu txartelak	Datuen kontrola	Ahalik eta gutxien
Facebook	Datuak, noiz konektatu	Argazkiak ez etiketatu
Whatsapp	Konexioen azterketa	Tik bikoitza kendu/ ordua kendu/ Perfileko informazioa kontaktu batzuei bakarrik erakustea…
Zerbitzuetako kamerak	Gure mugimenduak	…
Webcam (drone)	Sartu daitezkeelako	Pegatina jarri kamara tapatzeko
Konpainia telefonikoak	Lokalizazioa, erabilerak…	“Modo avión”

Ondoren, beste bideo bat ikusi genuen : "Las redes y los datos: una perspectiva crítica" izenekoa. Bideo honetan, sare sozialeei buruz hitz egiten da, eta hauetan pribatutasunak duen garrantziaz. Hala ere, hau lortzea ez da erraza eta hori dela eta, bideoan gomendatzen da edozein gauza jarri aurretik, honetaz pentsatzea. 

Jarraian, Facebook, Twitter eta Wikipediari buruz hitz egiten da. Lehenengoak, informazioa transmititzeko balio du, informazio hori mugatua dagoelarik. Twitterri dagokionez, interakzioak edukiarengatik dira garrantzitsuak, baina eduki hau mugatua da. Izan ere, "Tweet" bat idazten dugunean, ezin dugu nahi adina idatzi muga bat dagoelako. Azkenik, wikipediak software libreagoa da, edozein idatzi dezakeelako informazioa. 

Egia da, banekiela pribatutasunak zuen garrantziaz. Baina inoiz ez naiz gelditu pentsatsera zenbaterainoko garrantzia duen. Betidanik esan didate kontuz ibiltzeko sarean jartzen dudan informazioarekin, eta bideo hau ikusi eta gero, kontuz ibiliko naiz jartzen dudan informazioarekin.

Hau guztia jakinda,irakasle bazala ikasleei azalpen bat emango nien gai honi buruz. Gero eta arriskutsuagoa da gai hau eta hori dela eta, gure ikasleek ohartuak egon behar dira honetaz, haien pribatutasuna babesteko.

Jordi Adell-PLEa

JORDI ADELL-PLE

SYMBALOO TALDEKA

Hau da gure taldeko PLEa

Irudian ikusten duzuten bezala koloretan sailkatuta daude:

Arrosak: Erosketak
Urdinak: Telebistako kanalak
Marroiak: Aldizkariak
Beltzak: Sare sozialak ...

https://www.symbaloo.com/home/mix/13ePQK92Xe#

ADUNA ESKOLA

Iñaki Pagolak Adunako eskolan lan egiten du eta honi buruzko hitzaldi bat eman zigun. Aduna eskola txikia da, Donostiatik 15 km-tara dagoena. Aduna 400 biztanle osatzen dute eta Iñakik lan egiten duen eskolan 68 ikasle daude.  

Aduna eskolan ez dituzte testu-libururik erabiltzen, dena proiektuen bitartez lantzen dute. Eskola honetan ikasleek adinen arabera nahastuta lan egiten dute. IKT eta heldutasun ereduari dagokionez, Adunako eskola maila altuenean aurkitzen da.

Eskola honetan irakasle eta ikasleek aplikazio asko erabiltzen dituzte, orien artean:

KOADERNO DIGITALA: Koaderno hau irakasleena da eta egunero egiten dena eta aurrerago egingo dena bertan jasotzen dute. Koaderno honetan konpetentziak, taldekatze era, denboralizazioa eta abar azaltzen da. Ebaluaketa jarraitua egiten da eta dena drive artxiboetan idazten da.

POSTA ELEKTRONIKOA: Irakasleek dena kudeatzeko erabiltzen dute.

CLASROOM: Ikasleak egin behar dituzten lanak bertan agertzen dira eta irakasleek aplikazio honen bidez zuzentzen dituzte. Hala ere, ez dizkieta erantzunak modu zuzen batean ematen, pistak ematen dizkiete ikasleek haien kabuz akatzak zuzentzeko gai izateko.

CALENDAR: Aplikazio honetan, irakasleek haien betebeharrak apuntatzen dituzte, hala nola, bilerak, klaustroak...

BLOGGA: Irakasleek gelan egindako lanak Bloggean jartzen dituzte eta ikasleek aukera dute hauek komentatzeko.

WEBGUNEA: Ikasleen argazkiak txertatzen dira hemen Dropbox bidez. Dropbox webgune estatikoa da.

SYMBALOO: Gainontzeko aplikazioen linkak txertatzeko oso erabilgarria da. 

Bukatzeko, Iñakik esan du Aduna eskola beste bi eskolekin ibiltzen dela elkarlanean (Berrobi eta Alkiza). Eskola hauekin proiektuak partekatzen dituzte eta moddle plataformaren bidez komunikatzen dira.

Denbora lerroa

Hau da nire denbora lerroa:

http://www.capzles.com/#/7a64ac45-9a9d-4aa1-98a6-64d32cb88c70/

AMARA BERRI ESKOLA

Hasteko Amandok Amara Berriko sistemaren berri eman zigun. Kontatu zigunaren arabera, ikasleak txokoetan lan egiten dute. Amara Berrin adin-nahasketa nabarmena da, hau da, 5.mailako ikasleek beste mailako ikasleekin lan egiten dute. Adin-nahasketari esker, 6.mailan dagoen ikasle batek adibidez, 5.mailan dagoen beste ikasle bati gauza berrian irakatsi diezaioke, honek lehen urtean ikasi baititu. Hemen, testu- libururik gabe lan egiten dute. Lan bakoitzak zertarako bat du, eta hau lortzeko ikasleek elkarlanean aritzen dira. 

Hau azaltzen bukatu zuenean, Amandok hedabideen azalpena ematera ekin zion. Erabiltzen dituzten hedabideak lau dira: telebista, irratia, prentsa eta txikiweba. Hedabide hauek ikasleek bere kabuz kudeatzen dituzte. Hedabide hauek helburu zehatz batzuk ditu: eskolan egiten diren lanei zentzua ematea (irteera bat) eta IKT-en munduan sakontzea.

Hedabide hauek egunero irekitak daude eta ikasle guztiek parte hartzen dute bertan. Gainera, eskola osorako zerbitzu bat dira. Dena ondo funtzionatzeko eta ondo bideratzeko ikasleak antolatuak daude. Bikoteka eta zikloka antolatuak daude, bikote bakoitzak ziklo bereko baina maila desberdineko ikaslez osatua dagoelarik. 2.ziklokoak irratia lantzen dute eta 3. ziklokoek prentsa, telebista eta txikiweba.

Orain hedabide bakotzaren ezaugarriak aipatzera ekingo diot:

-Egunkaria: Egunero imprimatzen da eta kazetariak 3. zikloko lau ikasle dira. Ikasle bakoitzari egun horretako egunkaria imprimaturik ematen zaio etxera emateko. Egunkariak eduki desberdinak ditu: txisteak, asmakizunak, entrebistak, argazkiak...

-Irratia: Auzoan FM 107,2an emititzen da. Gainera, Web orrian ere entzun daitezke. Bertako teknikariak 2.zikloko bi ikasle dira.

-Telebista: Gela guztietan ikusten da eta irratia bezala, Web orrian ere ikusi daiteke. Kameralariak 3.zikloko lau ikasle dira. Grabatu eta editatu egiten da. 

.-Txikiweb: 2 egunetan gauzatzen da eta bertako webmasterrak 3.zikloko ikasleak dira. Txikiweba ikasleen Weba da eta bertan, egiten diren ekintzen argazkiak, telebistan grabatutako programak eta abar daude. 

Bukatzeko, esan behar dut hitzaldi hau oso interesgarria iruditu zitzaidala, izan ere ezagutzen ez nuen sistema bat da.

SYMBALOO

Hauek dira erabiltzen ditudan aplikazioak eta programak

http://www.symbaloo.com/home/mix/13ePQK91jY

TEKNOLOGIA ETA GENEROA

Teknologia eta generoa guztiz lotuak egon dira beti. Txikia nintzenean ez nintzen gai honi buruz gehiegi ohartzen, baina urteak igaro ahala gero eta lotura handiagoa ikusten dut bi gai hauen artean. 

Sei urterekin, nire lehenengo Game boy makina oparitu zidaten. Izen hau mutilentzako jokoa esan nahi du. Gero, Nintendo atera zen, betiere neskentzako eta mutilentzako ezberdinduz. Mutilentzako urdin kolorea eta neskentzako arrosa kolorea. Beraz, nire lehenengo Nintendo makina arrosa izan zen.

Ezberdintasun hauek ere jokoetan ematen dira. Makinentzako edo ordenagailuentzako jokoak beti mutilentzako edo neskentzako dira. Adibidez, arropa saltzearen jokoa neskentzako da eta akziozko jokoak mutilentzako.

Gainera, normalago ikusten da mutilak makinekin jolastea neskak haiekin jolastea baino. Play Station beste adibide bat da. Mutilentzako Call of Duty, GTA edo horrelako jokoak daude eta neskentzako aldiz, Los Sims, sukaldaritza jokoak eta abar. Esan beharra dago joko gehienetan mutilak neska salbatzen dutenak direla. Adibidez, Super Mario Bros jokoan Mario da printzesa salbatzen duena.

Gaur egun, teknologia garatzen doa, baina ezberdintasun hauek jarraitzen dute. Nire ustez estereotipo hauek guztiak alde batera utzi behar ditugu, genero berdintasuna bultzatuz, azken batean denok berdinak gara eta.

NIRE HAURTZAROARI BURUZKO OROIMENAK ETA TEKNOLOGIA

Kaixo Larraitz naiz Donostiakoa, Grosekoa hain zuzen. Donostian jaio nintzen, baina lau urte izan arte Pasaian bizi izan nintzen. Eskola hasteko momentua iritsi zen, lagun berriak egiteko unea. Urduri samar nengoen lehenengo egunean. Nire motxila hartu eta nire amarekin Josefinesetara abiatu nintzen. Berehala lagunak egin nituen, eta Haur Hezkuntza zenez, marrazkiak, jokuak, abestiak, dantzak... egiten genituen.

Urteak pasa ziren eta sei urte bete nituen. Haur Hezkuntza bukatu, eta Lehen Hezkuntza hasteko unea iritsi zen. Marrazkiak eta antzerkiak egitetik, liburuak erostera pasa nintzen. Lehen Hezkuntza beldurra ematen zidan, ez nekielako zaila edo erraza izango zenik.  San Ignacio ikastetxera abiatu nintzen liburuz betetako motxilarekin. Bertan, klaseak mahaiez eta aulkiez betetak zeuden. Pixkanaka teknologia nire bizitzan sartzen hasi zen. Lanak egiterako orduan, batzuetan ordenagailuak erabiltzen genituen. 

LHn, irakasle berriak eta taldekide berriak izan nituen. Denak oso jatorrak ziren eta ez nituen arazorik izan lagunak egiterako orduan. Biderkatzen eta zatitzen ikasi genuen. Azterketak egiten genituen eta kurtsoan zehar hiru aldiz notak jasotzen genituen. Musika, matematikak, Ingelesa, Euskara, informatika eta beste hainbat ikasgai ematen genituen. Gehien gustatzen zitzaizkidanak musika eta informatika ziren. Informatika genuen bakoitzean, denak pozik joaten ginen klasera ordenagailuekin ibiliko ginelako. Word, paint eta beste hainbat programa erabiltzen genituen. Jokuak ere egiten genituen eta klaseak asko gustatzen zitzaizkidan. Klasean ikasten nuena praktikan jartzeko etxeko ordenagailua erabiltzen hasi nintzen. Berehala nire lehenengo mugikorra oparitu zidaten, deitzeko bakarrik erabiltzen nuena.

DBH hasi eta askoz gehiago ikasten hasi ginen. Ordenagailuak gero eta nabariagoak izaten hasi ziren. Matematika tailerra egiten genuen ordenagailu bidez, eta hainbat eragiketa egiteko programa desberdinak ezagutu genituen. Power Pointak egiten ikasi genuen eta aurkezpen ederrak egiten genituen argazkiak eta bideoak erabiliz. Oso ondo gogoratzen ditut gauza horiek. Mugikorrak ere, gero eta hobeagoak ziren eta hori dela eta, gurasoek kamera eta whatsappa zuen lehenengo mobila oparitu zidaten.

Musika aparatuei dagokionez, lehenengo mp3-a izan nuen. Hau, musika entzuteko bakarrik balio zuen. Urteak pasa eta mp4-a eta mp5-a atera ziren. Hauek bideoak, argazkiak, pelikulak, musika entzuteko eta abar erabiltzen ziren. DBHn nengoenean, eskolara joateko nire mp4-a erabiltzen nuen musika entzuteko. Aurrerago, Ipod-a atera zuten eta berehala erosi zidaten. Hau, ordenagailu bat bezala zen, kamera, interneta, jokuak eta abar zituen.

LHn, musika irakasgaia liburuen bitartez lantzen genuen, baina DBHn musika tailerra egin nuen eta horretarako ordenagailua erabiltzen genuen abestiak egiteko. Txikia nintzenean, parkera joaten nintzen lagunekin jolastera. Gaur egungo haurrek, etxean gelditzen dira Play Stationera edo Wiira jolasten. 

Gaur egun daukadan mugikorra denetarik dauka. Gehien erabiltzen ditudan gauzak Whatsapp, twitter, facebook eta instagram dira. Txikia nintzenean, gauza hauek ez nituen erabiltzen. Bakarrik mugikorraren kamera erabiltzen nuen. Ikusi daitekeen bezala aldaketa izugarriak izan dira.



Beraz, gaur egungo teknologia duela urte askotako teknologia baino askoz garatuagoa dago. Hala ere, esan beharra dago, teknologia denbora guztian berritzen doala eta etokizunean izugarrizko berrikuntzak izango dituela.